འབྲུག་རྒྱལ་ལྔ་པ་དང་རྒྱལ་བཙུན་རྗེ་བཙུན་པདྨ་མཆོག་ལུ།

༉   ང་བཅས་རའི་འབྲུག་རྒྱལ་ཁབ་འདི་ ཆུང་ཀུ་ཅིག་ཨིན་རུང་ འདི་ནང་སྐྱེ་བའི་མི་སེར་
ཚུ་ དགའ་སྐྱིད་ལྡན་པའི་ངང་ལུ་ དགའ་ཏོག་ཏོ་དང་ སྐྱིད་ཏོང་ཏོ་ འབད་སྡོད་དེ་ཡོད།  

དེ་སྦེ་ཡོད་མི་འདི་ཡང་ བཀའ་དྲིན་ཅན་གྱི་མི་དབང་ མངའ་བདག་རིམ་བྱོན་ཚུ་བྱོན་ཏེ་ རྒྱལ་

ཡོངས་དགའ་སྐྱིད་དང་ལྡནམ་བཟོ་གནང་ ཡོད་པའི་བཀའ་དྲིན་ཨིན་ཟེར་ཞུ་ནི། དུས་ཅིག་
ང་བཅས་རའི་ འབྲུག་རྒྱལ་ལྔ་པ་མཆོག་གིས་ ཁྱད་ཆོས་ལྡན་པའི་མི་དབང་རྒྱལ་བཙུན་རྗེ་
བཙུན་པདྨ་མཆོག་ བཙུནམོ་སྦེ་བཞེས་ནི་ཨིནམ་ལས་ ང་བཅས་ག་ར་ ངལ་རང་དང་

དཔའ་ཉམས་བསྐྱེད་དེ་ཡོད་ཟེར་ཞུ་ནི།  རྒྱལ་བཙུན་བཀྲིས་མངའ་གསོལ་གྱི་ཉིནམ་འདི་ལུ་
གཟའ་དཀར་འཕྲོད་སྦྱོར་བཟང་སོང་། གནམ་ལ་སྐར་མ་བཟང་སོང་། ས་ལ་ཉི་མ་དྲོ་སོང་། 
བར་ལ་རྒྱུ་སྐར་བཟང་སོང་། བཀྲིས་རྟེན་འབྲེལ་སྒྲིགས་སོང་། སྐལ་བ་བཟང་ར་བཟང་
སོང་། ཟེར་གཟའ་སྐར་ ཕུན་སུམ་ཚོགས་པའི་ ཉིནམ་འདི་ལུ་ དཔལ་མི་དབང་ འཇིག་
མེད་གེ་སར་རྣམས་རྒྱལ་དབང་ཕྱུག་ མཆོག་ མངོན་པར་མཐོ་བའི་ གསེར་ཁྲི་གུ་ལུ་ 
བཞུགས་ནི་དང་ རྒྱལ་བཙུན་རྗེ་བཙུན་པདྨ་མཆོག་ དངུལ་ཁྲི་གུ་ལུ་ བཞུགས་ཞིནམ་ལས་

ཚུར་ ང་བཅས་རའི་ འབྲུག་རྒྱལ་ཁབ་འདི་ནང་ གོང་འཕེལ་གྱི་ འཆར་གཞི་ཡར་དྲག་ 
ཕུན་སུམ་ཚོགས་སྟེ་  རྒྱལ་ཡོངས་དགའ་སྐྱིད་ དཔལ་འཛོམས་ཀྱི་ དམིགས་དོན་འདི་
སྒྲུབ་བཅུག་ ཟེར་བའི་སྨོན་ལམ་ ཡང་ཡང་བཏབ་ནི་ཨིན་ལགས།

ཧེ་མན་ཏ་སུ་བཱ།

བདུད་པ་་་་་་་ཀ།

འགྲམ་ཕུག་འབྲིང་རིམ་སློབ་གྲྭ་འོག་མ།